شەوی رابردوو لەمیانی دەستپێکی یاریەکانی پالەوانێتی جامی کیشوەرەکان ھەلبژاردەی بەرازیل بەئەنجامی ( ٣ × ٠ ) شکستی بەھەلبژاردەی یابان ھێناو یەکێک لەباشترین یاریزانەکانی ئەو یاریە نیمار داسیلڤا ی ھێرشبەری لاوی  یانەی بەرشەلۆنە بوو . نیمار لەویاریەدا  ئاستێکی بەرزی پێشکەش کرد و توانی گۆلی یەکەم بۆ ھەلبژاردەکەی تۆمار بکات و ھاوکاریەکی تەواوی ھاورێکانی کرد لە بەدەستھێنانی ئەوسەرکەوتنە . لەبارەی ئەوسەرکەوتنەشەوە  نیمار ئەوپەری خۆشحالی خۆی پیشاندا و رایگەیاند ؛ ئومێدەوارم بگەینە یاری کۆتایی و جامی پالەوانێتیەکە بەرز بکەینەوە . ئەوەی جێگەی سەرنجە لەویاریەدا نیمار ئازارێکی زۆری پێگەیشت و ھەربەو ھۆکارەش نەیتوانی درێژە بەیاریکردن بدات و یاریگای بەجێھێشت . ھاتنە دەرەوەی نیمار ترس و نیگەرانی لەلای ھاندەران دروست کرد ، بەلام ھەرزوو  ئەو ھێرشبەرە لاوە پەیامێکی دلخۆشکەری ئاراستەی ھاندەران کرد و دلنیایی کردنەوە کە بارودۆخی زۆرباشە و پێکانەکەی ھیچ کاریگەریەکی نیە و دەوتوانێت لەیاریەکانی داھاتوودا بەردەوام بێت لەیاریکردن . HaMza

  بە ڤیدیۆ ببینە پەرواز چۆن دەترسێت ؟

لەیاریەکی دۆستانەدا ھەلبژاردەی ئەرجەنتین بەرابەرایەتی لیۆنیل میسی و لەیاریەکی دۆستانەدا و لەدەرەوەی یاریگای خۆی بوە میوانی ھەلبژاردەی گواتیمالا  و یاریەکەش لەبەرژەوەندی ھەلبژاردەی تانگۆ کۆتایی ھات . ھەرچەندە لیۆنیل میسی ٦٧ خولەک یاری کرد  بەلام توانی سەرکەوتنێکی گەورە بۆ ھەلبژاردەکەی تۆمار بکات و لەکۆی ٤ گۆلی ھەلبژاردەکەی ٣ گۆل و ھاتریکی تۆمار بکات و گۆلێکیشی بۆ فیرناندز ی ھاورێی دروست کرد . بەتۆمار کردنی ئەو  ٣  گۆلە  لیۆنیل میسی کۆی گۆلەکانی گەیاندە  ٣٥  گۆل و ژمارەی پێشوی دیگۆمارادۆنا ی ئەفسانەی ئەرجەنتینیی شکاند  کە  ٣٤  گۆلی بۆ ھەلبژاردەی تانگۆ تۆمار کردبوو . جێگەی وەبیرھێنانەوەیە تۆمار کردنی ئەم  ٣ گۆلە  سێیەم ھاتریکی لیۆنیل میسی یە لەگەل ھەلبژاردەکەی ...  یەکەم ھاتریک لەبەرامبەر سویسرا و دووەم ھاتریک لەبەرامبەر بەرازیل  و  سێیەم لەبەرامبەر گواتیمالا .. بوو . HaMza

فیرناندۆ سیگۆرینی یەک لە راھێنەرەکانی ھەڵبژاردەی ئەرجەنتین ھۆشداریدا لە پێکانی لیۆنێل میسی ئەستێرەی ھەڵبژاردەکە و گوتی ئەگەر بە وریاییەوە مامەڵە لەگەڵ ئەو پێکانەدا نەکرێت کە چەند مانگێکە تووشی ئەو یاریزانە بووە، ئەوا مەترسی دەکەویتە سەر داھاتووی. سیگۆرین کە راھێنەری توانای جەستەییە لە ھەڵبژاردەی ئەرجەنتین، لە لێدوانی بۆ رۆژنامەی مارکای ئیسپانی ھۆشداری لە پێکانەکەی میسی داوە و دەڵی بۆئەوەی ئەو یاریزانە لەسەدا سەد بۆ یارییەکانی داھاتووی لەگەڵ ھەڵبژاردەی ئەرجەنتین لە مۆندیالی داھاتوو ئامادەبێت، دەبێ پشوویەکی باش وەربگرێت ئەگەرنا تووشی کێشەی زۆر دەبێت لە داھاتوودا. سیگۆرین دووپاتیکردەوە کە میسی لە ماوەی ئەمساڵدا زیاتر لە سەد و بیست یاری بۆ بەرشلۆنە و ھەڵبژاردەی ئەرجەنتین کردووە و ئەوەش فشارێکی زۆری لەسەر ماسوولکەکانی دروستکردووە. میسی لە یاری یانەکەی بەرامبەر یانەی پاریس سانجێرمانی فەرەنسی لە خولی یانە پاڵەوانەکانی ئەوروپا تووشی پێکان ھات لە ئەژنۆیدا و تا ئێستا بە تەواوی چاک نەبووەتەوە. HaMza

  پێشتر دیل بۆسکی ڕایگەیاندبوو ، کاسیاس بە شێوەیەکی سەرەکی یاری دەکات لە یارییەکانی جامی کیشوەرەکاندا ، بەڵام لە کۆنگرەی ئەمڕۆیدا ڕەتیکردەوە ناوی ئەو گۆڵجییە ئاشکرابکات کە بە شێوەی سەرەکی یاری دەکات. دیل بۆسکی ووتیشی " کاسیاس دەبێت ئەوە بزانێت کە لە ئێستادا ڤاڵدێس وپیپی رینا رکابەری دەکەن لە پێناو یاریکردن بە شێوەی سەرەکی. پێش ئەنجامدانی یارییەکە کۆنگرەیەکی ڕۆژنامەوانی بۆ دیل بۆسکی ڕێکخرا ، سێ گۆڵچی ھەن بۆ ئەوەی ئەمشەو یەکێکیان بە شێوەی سەرەکی یاری بکات ئەوانیش ئیکەر کاسیاسی گۆڵچی ڕیاڵ مەدرید و ڤیکتۆر ڤاڵدێسی گۆڵچی بەرشلۆنە و پیپی ڕینای گۆڵچی لیڤەرپول ، دیل بۆسکی سەبارەت بە ئەو گۆڵچییەی بە شێوەی سەرەکی یاری دەکات ناوی نەوت ،بەڵام دەڵێت : گۆڵچییەکان سەرجەمیان نایابن ، کاسیاس بۆ ماوەیەکی زۆرە لە یاریە ڕەسمییەکاندا بەشداری نەکردووە ، بەڵام ئەوە کاریگەری نابێت لەسەری". لە ئێستادا ھەڵبژاردەی ئیسپانیا کە لە ووڵاتیبەڕازیلە بە مەبەستی بەشداریکردنی لە یارییەکانی جامی کیشوەرەکان ، ئەمشەو لە یەکەمین یاری خۆیدا ڕووبەڕوی ھەڵبژاردەی ئۆرۆگوای دەبێت کاتژمێر ١ ی شەو لە یاریگای بیر نامیوکۆ. دیل بۆسکی ، ڕاھێنەری ھەڵبژاردەی ئیسپانیا ئەمڕۆ لە کۆنگرەیەکی ڕۆژنامەوانیدا پرسیاری لێدەکەن سەبارەت بە گۆڵچی سەرەکی کێ دەبێت بۆ یارییەکەی ئەمشەو، بەڵام ئەو ڕاھێنەرە ڕەتی دەکاتەوە ناوەکەی ئاشکرابکات. HaMZa  

بەپێی راپۆرتە ھەوالێکی پێگەی ئەلکترۆنی ( espn)  بلاوکراوەتەوە کە سەرۆکی یانەی گەلاتەسەرای تورکی لاری نیە لە رۆشتن و دەست بەرداربوون لە ویسلی شنایدەر ی ھۆلەندی و یاریزانی یانەکەیان ئەویش بەو مەرجەی سودێکی دارایی باش بەیانەکە بگەیەنێت . چەند سەرچاوەیەکی وەرزشی ئاماژەیان بەوە کردبوو کە ھەریەک لەیانەکانی ( تۆتنھام  و  چیلسی ) ئینگلیزی چاودێری ئەو یاریزانە تەمەن  ٢٩ سالەیان کردوە و ھەولی گواستنەوەیان داوە بۆ خولی ئینگلیزی. ھەروەھا ئاشکرا کرابوو کە جۆزی مۆرینیۆ کە لەرابردوودا سەرپەرشتی ئەو یاریزانەی کردوە لەریزی یانەی ئەنتەر میلان ی ئیتالی ، جارێکی تر بەرپرسانی یانەی چیلسی راسپاردوە کە ھەولی گواستەوەی شنایدەر بدەن و لەیەکەم ھەنگاودا گرێبەستێکیان بەبری ١٢.٥ ملیۆن جونەیھی ئیستەرلینی پێشکەش کردووە . لەلای خۆشیەوە سەرۆکی یانەی گەلاتەسەرای رایگەیاند تائیستا ھیچ گرێبەستێکی فەرمی بەمەبەستی گواستنەوەی شنایدەر ئاراستەی یانەکەمان نەکراوە  و ئەوەی باس دەکرێت تەنھا بابەتی رۆژنامەکانە و ئەگەر گرێبەستێکیان بەبری ١٥ ملیۆن یۆرۆ پێشکەش بکرێت ئامادەین دەستبەرداری ئەو یاریزانە ببین . HaMza

ڕاهێنەری هەڵبژاردەی عێراق " پیترۆڤیچ"ی بە ڕەگەز سڕبی ، ڕایدەگەیەنێت کە هەڵبژاردەی عێراق چانسی سەرکەوتنی نەبوو بەرامبەر بە هەڵبژاردەی یابان لە پاڵاوتنی ئاسیا. هه‌ڵبژارده‌ی تۆپی پێی عێراق جارێكی تر شكستیهێنا له‌گه‌یشتن به‌دوایارییه‌كانی جامی جیهانی، ئه‌ویش دوای دۆڕاندنی به‌هه‌ڵبژارده‌ی یابان بوو له‌میانه‌ی جه‌وله‌ی حه‌وته‌می پاڵاوتنه‌كانی ئاسیا بۆ مۆندیالی 2014 ی به‌ڕازیل بە ئەنجامی گۆڵێکی بێ وەڵام. فرادیمێر پیترۆڤیچ ، ڕاهێنەری هەڵبژاردەی عێراق ، لە کۆنگرەیەکی ڕۆژنامەوانیدا دوای یارییەکەیان بەرامبەر یابان ووتی " هەڵبژاردەکەمان چانسی سەرکەوتنی نەبوو بەرامبەر بە یابان ، یارییەکی قورس بوو بۆ ئێمە چونکە بەرامبەر باشترین هەڵبژاردەی ئاسیا یاریمان دەکرد . ڕاهێنەرە سڕبییەکە ووتیشی : یاریزانەکانمان لەژێر قورساییەکی زۆردابوون لە پێناو پێشکەشکردنی ئاستێکی باش و تۆمارکردنی گۆڵێک بۆ ئەوەی پارێزگاری لە هەلی سەرکەوتنیان بکەن بۆ جامی جیهانی 2014 ی بەڕازیل. پیترۆڤیچ ووتیشی " لەسەرەتاوە زۆر بە باشی یاریمان دەکرد ، توانیمان کۆنتڕۆڵی یاری بکەین ، چەندین هەلی گۆڵکردنمان لەدەستچوو ، بەڵام لە کۆتاییدا چانس یاوەرمان نەبوو. جێی ئاماژەیە چاودێرانی وەرزشی عێراقی پێییان وایە  پیترۆڤیچ کاتێکی وای لەبەردەستدا نەبووە کە هەڵبژاردەی عێراق بە تەواوی ئامادە بکات بۆ یارییەکان. HaMza